» » Қостанайлық шебер Астананың ғимараттарын моншақтан жасайды (ВИДЕО)

Қостанайлық шебер Астананың ғимараттарын моншақтан жасайды (ВИДЕО)

Рудный қаласының тұрғыны Бақтыбай Кенжеғұловтың моншақтан тізіп, түрлі бұйымдар жасай бастағанына бір жылдан асты.Мүмкіндігі шектеулі жан енді үйірме ашып, өнерін тағдырластарына үйреткісі келеді.
Ісмердің ең үлкен арманы - елордада өтетін ЕХРО-2017 көрмесіне қатысу. Мұқтаждық - мың өнердің анасы. Денсаулығы сыр берген Бақтыбай Кенжеғұлов көңілін аулайтын кәсіп іздеді. Бірде оңтүстіктегі Сарығаш ауданына жолы түсіп, моншақтан бұйым жасайтын шебермен жолығып, осы өнерді үйренді. Қазір әбден төселген. Кеншілер қаласында кәдесыйға тапсырыс берушілер көбейіп келеді, деп жазады 24.kz.
«Туған күн сияқты мерекелерге арнап сөмкелерге тапсырыс беріп кетеді. 11:00-де бастасам, ертең кешке дейін дайындап беремін. Бұдан көбі 3-4 күнге кетіп қалады. Бір гүлді тез істегенде 20 минутта бітіремін», - деді Бақтыбай Кенжеғұлов.
Моншақтарды есеппен тізу, қалыпқа келтіру, тастардың үйлесімін табу оңай шаруа емес. Темірдей төзім, ұшқыр қиял керек. Мұндайда Бақтыбайға келіншегі Гаухар көмектеседі. Ісмердің ең бірінші сыншысы да, қолдаушысы да жұбайы. Көз жауын алатын әр бұйым көз майын тауысқан жанкешті еңбекпен келеді.
 «Әрқайсысы әртүрлі болады. Бір қолдан шықса да, басқаша болады. Екеуі бірдей болмайды. Біріншіден, бұл өнер таза, әсем, әдемі көрінеді. Әрбір істеген заты сұранысқа ие», - дейді шебердің жары Гауһар Әлиева.
Бақтыбай - екінші топтағы мүгедек. Кемтар екенмін деп мемлекетке масыл болатын адамың ол емес. Шебер кәдесыйдан бөлек ұлттық нақыштағы бұйымдар, еліміздің рәміздерін тоқиды. Олардың бәрі бүгінде саудаланып кеткен. Қолөнерші Қазақстанның мақтаныштарын енді халықаралық деңгейде насихаттауға ынталы.
Бақтыбай Кенжеғұлов, қолөнер шебері:
« Ақорданы істеп көрдік. Әдемі шықты. Пирамиданы істеп көрдік, ол да әдемі шықты. Ендігі ойым - Қазақстанның курортты аймақтарын жасау. Соларды ЕХРО-2017 көрмесіне шығару», - дейді шебер.
Қолөнерші Өзбекстаннан 2000 жылы елге оралды. Алғашында Оңтүстік Қазақстанда тұрды. Рудныйға бес жыл бұрын көшіп келді. Содан бері пәтер кезегінде тұр. Жеке пәтерге ие болсам, мүмкіндігі шектеулі жандарға арнап қолөнер үйірмесін ашар едім, дейді ол.

 


Категория: ТОП жаңалықтар
Просмотров: 18782
Похожие новости:
Қазақстан әлемдік экспорттаушылардың ТОП-50-іне енді

Қазақстан әлемдік экспорттаушылардың ТОП-50-іне енді

Отандық экспорттаушылар құны 1,5 миллиард долларды құрайтын келісімшарттарға қол қойды...
Мүлікті заңдастыру 2016 жылдың соңына дейін жүргізілмек

Мүлікті заңдастыру 2016 жылдың соңына дейін жүргізілмек

Мүлікті заңдастыру 2016 жылдың соңына дейін жүргізілмек ...
Қазақстанда ипотека туралы жаңа заң күшіне енді

Қазақстанда ипотека туралы жаңа заң күшіне енді

Қазақстанда ипотека туралы жаңа заң күшіне енді...
Қытай өнеркәсібі 3 жылдық деңгейге дейін төмендеді

Қытай өнеркәсібі 3 жылдық деңгейге дейін төмендеді

Қытайдың өнеркәсіп секторы осыдан 3 жыл бұрынғы деңгейге дейін төмендеді....
Комментариев: 0
Добавить комментарий

Басқа видеолар

Спорт